Skuldgevoellens: afsku, verwerping, angs, vrees oorheers hulle gedagtes en gevoellens. Aanhoudende moegheid en hoofpyne kan voorkom, verlies aan eetlus, gewigsverlies, slaaploosheid en maagpyn kan voorkom agv ingehoue spanning.

– Verwerping: kinders voel maklik verwerp, veral waar ouers oor die kinders baklei. Praat met die kinders, stel hulle gerus en maak tyd om met die kinders te gesels.

Waar daar reeds ‘n nuwe persoon in ma of pa se lewe is is dit net soveel moeiliker. Hulle is bang hulle gaan ook eenkant toe gestoot word, bang dat daar nie nou meer plek in pa of ma se lewe vir hulle is nie.
– Probleem/rebelsegedrag: vir jong kinders is hul gedrag die enigste wyse waarop hulle van hartseer, woede, frustrasies ontslae kan raak bv. deur afknouerig te raak, ander seer te maak en “tantrums/vloermoere” te gooi.

– Konsentrasieprobleme: aangesien daar tuis soveel veranderinge plaasvind en die kind met sy eie gedagtes en emosies worstel, vind hulle dit moeilik om op hul skoolwerk te konsentreer.

– Aanvaarding: wanneer die kind die proses verwerk het en ‘n nuwe roetine gevestig het, kan hulle begin om die egskeiding te aanvaar. Hoe lank dit gaan neem is moelik om te sê, elke kind ervaar egskeiding verskillend.

Raad vir kinders – wanneer ma en pa skei:
– Gaan so normaal as moontlik met jou lewe aan.
– Neem steeds deel aan jou sport- en buitemuurse aktiwiteite.

– Kuier steeds saam met jou vriende (dit sal jou gedagtes besig hou).

– Moet nie betrokke raak of jou laat insleep by jou ouers se rusies en bakleiery nie.

– Dit kom dalk as ‘n verrassing, maar jy mag dalk later besef, egskeiding kan ook positiewe gevolge hê.

– Aanvaarding, sal dit vir jou moontlik maak om ‘n nuwe verhouding met elke ouer te ontwikkel, wat julle heel moontlik ook baie nader aan mekaar sal bring.
– Onthou – ‘n egskeiding is vir ma en pa net so sleg en traumaties en hulle weet dikwels self nie, hoe om jou in die moeilike tyd te help nie.

– As alles te veel raak..praat !! Praat met iemand, ‘n familielid, onderwyser, skoolberader of ‘n familievriend.

Wenke vir ouers wat skei:
Hoe kan ek my kind help ?
– Verwerk eers jou eie pyn en dan kan jy jou kind help en bystaan.
– Verseker hulle dat jy hulle nie sal los of in die steek sal laat nie.
– Jou kind is nie jou boodskapper na die ander ouer nie.

– Moet nie negatief wees, lelik praat, afknouerig wees of die ander ouer sleg maak nie.

– Voorkom te alle tye om die kinders te gebruik om mekaar te vermaak en te manipuleer.

– Moenie die kinders gebruik as speuder en hulle uitvra oor die ander ouer se doen en late nie.

– Besef kinders het ‘n pa en ma nodig.
– Vergewe die ander party, daardeur maak jy dit vir die kinders ook makliker om self te vergewe.

– Moet nie ‘n nuwe verhouding aanknoop voordat die kinders nie gestabiliseer het nie.

– Moenie hulle druk om gou beter te voel nie.

– Verstaan dat die kinders onskuldig is en intense pyn verduur. Kinders het ‘n behoefte om uiting te gee aan die pyn.

– Verseker die kinders dat hulle geliefd is, dat hulle nie in die pad is nie en dat jy altyd daar sal wees vir hulle.

– Wees te alle tye daar en beskikbaar vir hulle, maak nie saak wat.

– Luister na hulle en probeer verstaan, moet nie beskuldig en veroordeel nie.

– Daar gaan tye van hartseer, uitbarstings, frustrasies en onttrekking wees.

– Kry professionele hulp wanneer jou kind se gedrag en emosies die oorhand kry en buite beheer raak.

‘n Nuwe liefde vir pa of ma:
• Gee jouself kans, jy hoef nie dadelik van hulle te hou nie.
• Wees ten minste altyd beleefd.
• Gun hulle die kans om hulself te bewys.
• Bespreek jou gevoellens kalm met ma of pa, moet nie skreeu of hulle die skuld gee vir alles nie.
• Onthou – dit is die persoon wat pa of ma gelukkig maak.
• Onthou ook, niemand kan ooit jou plek vervang nie, al voel dit dit is wat besig is om te gebeur.

Julie Retief

 

DIE KOMBUISTEE:

Hier word die toekomstige bruid deur haar vroulike familielede en vriendinne bederf en
neem sy afskeid van haar alleenloper dae.
Hou dit altyd ordentlik en stylvol.

Skep vir haar die mooiste herinneringe waaraan sy met groot vreugde en sonder skaamte kan terugdink.

Die kombuistee kan verskillende vorms aanneem, bv. ‘n onderklere of nagklere partytjie, of vir ‘n bruid wat feitlik alles reeds het kan ‘n finansiële bydrae gemaak word vir haar hare, naels, grimering of vir iets vir die wittebrood.

Dink aan prettige dinge om te doen vir ‘n vrolike geleentheid saam met vriendinne, met geskenkies, blomme, musiek en baie lag.

Die alternatief is dat almal mooi aantrek, saam gaan uiteet en dan na ‘n konsert of opvoering gaan. In so ‘n geval kry die bruid dan net een groot geskenk van almal saam.

Die neiging deesdae is om 2 funksies te reël. ‘n Kombuistee vir almal, oud en jonk en dan die Bachelorette, waar slegs die jongklomp uitgenooi word.

Watter vorm die kombuistee ookal aanneem, dit moet altyd ‘n geleentheid wees wat mooi herinneringe by die bruid sal laat.
DIE RAMPARTY:

Die manne wil saamkuier en jolig afskeid neem van die bruidegom se enkelloperdae. Die strooijonker en ‘n pa of oom wat meedoen, organiseer die ramparty en neem verantwoordelikheid daarvoor.

Reël verkielik ‘n dag weg van die stad, bv. ‘n braai langs ‘n rivier waar julle kan waterski en kyk wie die grootste vis kan vang. Sorg vir genoeg kos (lekker brode, vleis en slaai, wyn en bier, en vrugtesap vir nie-drinkers) vir die groep lojale, goeie vriende wat broers en neefs insluit. Almal ry met ‘n bussie en die bestuurder moet geen alkohol drink nie. Kom vooraf ooreen oor hoe laat julle oppak en sorg dat die kuierplek silwerskoon agtergelaat word.

Julle kan ook gaan golf speel of ‘n jagnaweek reël. Doen dit ordentlik en stylvol.
Die manne is immers die bruidegom se naaste vriende; mense wat vir hom omgee, en in die toekoms daar sal wees om hom te ondersteun. ‘n Uitgerekte gholfdag is gewild, met gesellige saameet en gevatte toesprakies; heildronke en stories agterna.
Hou kompetisies met pryse en as die bruidegom verloor, moet hy opdok. Dit moet prettig en interessant wees; almal moet kan deelneem, ook pa of ‘n geliefde oom.
‘n Ouer persoon sal ‘n demper op geniepsighede kan plaas; dit mag nie hande-uit ruk nie. Organiseer die ramparty ‘n paar weke voor die bruilof.

Jong vriende raak maklik rof: stamp die buidegom rond en maak hom siek. Meer volwasse manne wil net eenvoudig baie lekker saam met die bruidegom kuier. Die doel is om dit te geniet en jolig te raak voor die bruidegom trou en ‘n nuwe fase in sy lewe betree – niemand mag verneder word of seerkry nie. Van nou af sal hy nie meer saans tot watter tyd saam met die manne kan jol nie.

Nou begin sy suksesvolle loopbaan in alle erns en hy aanvaar verantwoordelikheid vir sy bruid, hul huis en kinders. Hierdie nuwe lewe saam met sy vrou – die liefde van sy lewe – kan uiters betekenisvol en bevredigend wees.

Julie Retief •

 

 

Ek staan voor die toonbank wat met ‘n bord aangedui word waarop staan “sales, service, enquiries.” Die dametjie aan die agterkant is besig op die foon. Ek staan lank en wag… doodstil…tot sy die foon neersit en nors en brutal verklaar sy is besig met iemand! Ek het gesien sy is besig…met die foon… niemand naby haar lessenaar nie … Ek kyk af op die vloer maar daar’s nerens ‘n lyn getrek of geskryf “Niemand verby hierdie punt nie!” ‘n Man kom langsamerhand agter sy lessenaar en rekenaar uit en loop na my toe – die mense staan al by die deur uit- hy luister na my probleem en se ek moet dit per telefoon aanmeld… Ek wou, maar die telefoon kan nie vir my ‘n “print out” gee nie… DIENS????