HARTENBOS PARKRUN

 

Hartenbos parkrun is komende naweek twee jaar deel van ons gemeenskap!

Parkrun het sy ontstaan gevind in 2004 deur ʼn Suid-Afrikaner in Bushy Park, London. Paul Sinton-Hewitt het saam met ʼn paar vriende na ʼn besering begin om sosiaal te hardloop waar hulle tye neem en mekaar motiveer. ʼn Paar jaar later het Bruce Fordyce parkrun aan Suid-Afrika bekend gestel.

Parkrun is ʼn weeklikse, gratis 5km, draf of stap vir die hele gesin, ongeag jou fiksheidsvlak. Altyd om 8vm. Dit is ʼn gebeurtenis wat weekliks onderhou word deur vrywilligers en so die gemeenskap fiks en gesond hou. Parkrun sluit niemand uit nie; van die 88-jarige oom met sy kierie, die tiener wat weekliks ʼn rekord verbeter, mamma en pappa wat vir kleinding bring om saam met ouma te kom stap tot die persoon wat nie in staat is om fisies, aktief te kan deelneem nie. Enige persoon kan deelneem, met of sonder vooraf gratis registrasie (registreer by: www.parkrun.co.za/register)

Vir die afgelope twee jaar is parkrun op baie gesinne se naweek doenlysie. Die 11de Maart is Hartenbos parkrun 2 jaar oud!! Kom geniet die parkrun saam met ons, of jy nou stap, draf, kruip of net kom saam lag en ondersteun.

Bring saam vir ons 2de verjaardag: ʼn Ballon, ʼn Vriend.
Verjaardag tema: Hoe bonter, hoe beter!
Datum: 11de Maart (weekliks)
Tyd: 8vm (arriveer so 7:45vm)
Plek: Kleingeluk Venue & Chapel, R328 (Oudtshoorn pad)

Leave a Reply

Your email address will not be published. Required fields are marked *