Persoonlikheid van die Week – Harriot Gerber

IMG-20150325-WA0004

Naam en Van
Harriot Gerber

U huidige beroep?
Sektor Bevelvoerder, Mosselbaai SAPS.

Hoe lank woon u al in Mosselbaai?
Die afgelope 28 jaar, waarvan 25 jaar in die Polisie is.

Noem een ding wat altyd jou belangstelling prikkel.
Die Nuus. Daar gaan nie ‘n dag verby dat ek nie na al die plaaslike en internasionale nuuskanale op DSTV kyk nie.

Wat is die een fliek wat jou altyd laat lag?
“Dingetjie is Dynamite” is die beste ooit.

Watter nuttelose talent het jy waarvan niemand weet nie?
Ek kan oop oë sit en slaap wat baie handig is in vergaderings en op kursusse.

As jy een persoon se werk vir ‘n week kon oorneem, wie s’n sou dit wees en hoekom?
My man s’n, want dan hoef ek ‘n week lank nie kos en huis skoon te maak nie.

Watter boek lees jy tans?
Op die oomblik het ek nie tyd vir boeklees nie.

As jy ‘n miljoen Rand sou wen, hoe sal jy dit spandeer?
Ek sal op ‘n bootreis om die wêreld gaan.

Ek verlaat nooit my huis sonder ……..
Om my man en twee Siamese katte te groet nie.

Jou gunsteling restaurant en gereg?
My ma se kombuis en haar vars gebakte brood.

Deel ‘n paar interessante feite omtrent jouself.
Ek is gek oor sport en het onlangs my eerste Dan Swart Gordel in Gemengde Gevegskuns verwerf.

Het jy ‘n boodskap vir die gemeenskap van Mosselbaai?
Om saam te staan teen misdaad en misdadigers, deur dit te rapporteer, slagoffers by te staan en betrokke te raak by gemeenskap polisiërings inisiatiewe in jou woongebied.

Kontakbesonderhede:
Harriot Gerber
Mbaai Sektor 1, Bevelvoerder
082 522 3280  

Leave a Reply

Your email address will not be published. Required fields are marked *